E heshtur. E nxirë në fytyrë dhe me katër policë mbi kokë. Martina Pajollari, e cila dyshohet si e përfshirë në vrasjen e Martin Çeços doli sot para gjykatës dhe u la në burg pa afat.
Ajo u arrestua pasi konfirmoi para policisë se ka qenë e pranishme në vendin e krimit.
Por në gjykatë Martina Pajollari është shprehur se nuk ka asnjë lidhje me ngjarjen madje ka shkuar më tej kur tha se gjithçka ka thënë para grupit të hetimit e ka bërë nën presionin e Policisë.
E gjitha nisi me dëshirën e familjes së Martinit për ta fejuar djalin me Martina Pajollarin.
Por vajza dyshohet se kishte lidhje paralele dhe sipas prokurorisë e nxori të riun në pritë, që më pas e mbyti dhe e vrau Valter Mollaj, që dyshohet se kishte lidhje me Pajollarin.
Të dyshuar për vrasjen në burg janë edhe Valter Mollaj, Edlir Mollaj dhe Blenti Angjo.
