I dënuar me 17 vite burg për grabitjen e Rinasit gjykata e Posaçme ka vendosur që të lirojë nga izolimi në regjimin “41-bis” Klement Çalën.
Ai njihet si një nga “kokat” e grabitjeve të bujshme, jo vetëm në Rinas, por edhe episode të tjera në Shqipëri dhe Greqi.
Për shkak se mbante kontakte me botën e krimit jashtë, u izolua disa muaj më parë, ndërsa tashmë i është rikthyer burgut në kushte normale.
Klement Çala është nga Elbasani. I arratisur nga burgu i Trikallas në 22 mars 2013, si pjesëtar i grupit prej 11 personash të Marjan Kolës, Klement Çala, u shpall menjëherë në kërkim nga policia greke.
Ai u arrestua në mars të vitit 2020 së bashku me vëllanë Eldi, në gjumë në një vilë në Qerret. Klement Çala u dënua për grabitjen 9 prill 2019 në Rinas.
Në këtë grabitje shuma e marrë ishte 4.6 milion euro.
