Gabriel Escobar, emisar special i ShBA-së për dialogun Kosovë – Serbi shkon nesër në Prishtinë. Ai do t’i mbledhë edhe krerët e opozitës në një takim në ambasadën amerikane.
Escobar ka ftuar tre kerët opozitarë, Memli Krasniqin e PDK-së, Lumir Abdixhikun e LDK-së dhe Ramush Haradinajn nga AAK-ja, për një takim në ambasadën amerikane në Prishtinë.
I dërguari i SHBA-së për dialogun shkon në Prishtinë një javë pasi sekretari amerikan, Antony Blinken, bisedoi përmes telefonit me Kryeministrin Albin Kurti.
Kjo është hera e dytë brenda muajve që i angazhauari special amerikan për Ballkanin Perëndimor dhe dialogun vjen në Kosovë dhe mbledh opozitarët.
