Ambasadorja amerikane, Yuri Kim zhvilloi një takim këtë të martë me ministrin e Mbrojtjes, Niko Peleshi.
Lajmin e ka bërë të ditur vetë diplomatja përmes një postimi në rrjetet sociale, ku theksoi se në fokus të takimit ishte bashkëpunimi në mbrojtje, duke përfshirë forcimin e mbrojtjes kibernetike.
1/2 Met today w/Defense Minister @nikopeleshi to discuss 🇺🇸 🇦🇱 defense cooperation, including to strengthen 🇦🇱 cyber defense. 🇺🇸 leaders – including @SecDef at October NATO ministerial – have made clear we condemn the cyberattacks conducted by Iran against our NATO Ally.
— Ambassador Yuri Kim (@USAmbAlbania) October 18, 2022
Kim u shpreh se SHBA-të do të mbështesin përpjekjet e Shqipërisë për të mbrojtur popullin dhe territorin e saj.
“U takova sot me Ministrin e Mbrojtjes Niko Peleshi për të diskutuar bashkëpunimin në mbrojtje, duke përfshirë forcimin e mbrojtjes kibernetike.
Shtetet e Bashkuara të Amerikës do të mbështesin gjithmonë fuqimisht përpjekjet e Shqipërisë për të mbrojtur popullin dhe territorin e saj dhe për të kontribuar në qëllimin e NATO-s për të garantuar lirinë dhe sigurinë e të gjithë aleatëve.
E kemi bërë të qartë se dënojmë sulmet kibernetike të kryera nga Irani kundër aleatit tonë të NATO-s”, shkroi Yuri Kim në Twitter.
