Në ditën e tretë të bojkotit, Sindikata e Pedagogëve njofton se nesër do të zhvillohet një protestë kombëtare. Në pjesën më të madhe të universiteteve rezistenca vazhdon, duke përjashtuar Vlorën dhe disa fakultete.
Nga ora 10-12:00 cdo ditë prej nisjes së vitit të ri akademik ka bojkot, ndërsa nesër rezistenca do të jetë më me madhe. Kryeministri Edi Rama u shpreh dje se nuk do të ketë asnjë rritje pagash duke i injoruar. “Rama është i prerë, por edhe ne jemi të prerë në kërkesat tona” tha njëri prej pedagogëve.
Cilat janë kërkesat?
-Rritja e pagave për pedagogët dhe stafin ndihmës
-Rritja e financimit për kërkimin shkencor
-Rivendosja e shtesave mbi pagë
-Rritja e shtesës mbi pagën për vjetërsinë në punë
-Rritja e pagesës së orëve të ngarkesës suplementare
-Rivlerësimi i orës mësimore pasi ka zbritje prej 50% të pagesës së orës mësimore si rezultat i mosfierencimit të orës mësimore të leksionit.
-Rishikimin e tatimit prej 23% mbi pagesën e ngarkesës suplementare
-Të pezullohet deri më 2026 zbatimi i pikës c) të paragrafit të 3, i Kreut III të VKM Nr.112, datë 23.2.2018 për kriteret e marrjes së titullit “Profesor”.
-Të bëhet transparencë mbi buxhetin dhe të ardhurat e universitetet publike.
