Kryeministri Edi Rama nga Gjirokastra u shpreh se media po i vendos gjoba qeverisë. Emra konkretë nuk përmendi. Por, ai tha se nuk do të tërhiqet.
“Pronarët vendosin gjoba qeverisë për të marrë legalizime katesh pa leje dhe për të marrë prona me qira që nuk i paguajnë dhe për të marrë këtë apo atë. T’i harrojnë të gjitha” tha ai.
Më pas kreu i qeverisë u ndal te largimet e të rinjve nga Shqipëria. “Është normale të ikësh. Do më shumë, e do sot? Këtu nuk ka më shumë dhe sot. Më shumë dhe sot ka në Gjermani. Patjetër.
Pavarësisht se llogaria pagë me pagë është pak ndryshe. Atje, qiraja, transporti, nuk merr do frymë pa paguar plus edhe këto të energjisë.
Nuk është se do të kursesh ndonjë gjë të madhe. Por ok, është më mirë se këtu. Por kushdo nesër e ndërton këtu, pak nga pak. Ja ku janë shembujt” tha Rama.
