Kryeministri Edi Rama ishte sot në Gjirokastër për të dëgjuar dhe shpjeguar qytetarët për krizën, për të cilën fajësoi Rusinë.
Më pas nuk i kurseu fjalët pozitive për kryetarin e bashkisë, Flamur Golemi, të cilin duket se e konfirmoi për të kandidatuar edhe për një tjetër mandat.
“Ky doktori juaj këtu është gjirokastrit në kuptimin e plotë të fjalës. Tha aty, “më fal se të jam qepur”. Jo më është qepur, por një qepje (qesh)” tha ai.
Më pas nuk munguan batutat me Golemin. “Këtë këmishën e ke parë nga unë, por nuk të shkon. Por e lë jashtë se i është rritur barku (qesh). Dua ta përgëzoj, sikur Almën dje në Përmet, që është pak më përpara.
Bashkia Gjirokastër, Flamuri janë shembuj për të marrë fonde nga donatorët. Do i lë amanet pedagogët e foltores në Gjirokastër, thuaja hajdeni t’ju mësoj si fitohen projektet” i tha Rama.
