Me kërkesë të prokurorisë, gjykata e Lushnjes ka sekuestruar një apartament me vlerë 270 000 euro, i dyshuar i përfituar nga veprimtari kriminale në fushën e narkotikëve.
Apartamenti është në pronësi të 32-vjeçarit me inicialet M.K. Më parë ai ka qenë i dënuar për veprën penale “Prodhimi dhe shitja e lëndëve narkotike”.
Nga veprimet hetimore, sipas prokurorisë rezulton se pasuria e 32-vjeçarit ka si burim veprimtari kriminale.
Në zbatim të vendimit të Gjykatës u bë sekuestrimi i një pasurie të paluajtshme (apartament në Tiranë), me vlerë 270 000 euro.
Vijojnë hetimet dhe verifikimet për evidentimin e pasurive të tjera që mund të jenë në emër të këtij shtetasi dhe të personave të lidhur me të.
