Pas hetimeve mbi tjetërsimin e pronave në Himarë, Gjykata e Vlorës ka lëshuar 8 urdhër arresti.
Mes tyre është arrestuar edhe ish-kreu i qarkut të Vlorës, Anesti Dhimojani dhe Arqile Veizi.
Hetime nisën pas sekuestrimit të dosjeve në zyrën e menaxhimit të pronave dhe aseteve në këshillin e qarkut të Vlorës dhe ASHK.
Mësohet se masa ‘arrest në burg’ u caktua për shtetasit; Arqilea Veizi, Spiro Dhima, Serxhio Joshi, Denis Kokaveshi, Vasillo Mëhilli dhe Artur Duni.
Detyrim paraqitje:
Pavllo Xani
Epami Nonda Beleri
Sofia Beli
Arenusha Leka
Jani Zbogo
Mihallaq Ruci
Gjyzele Alibeaj
Antigoni Andruco
NJOFTIMI I PLOTE
Finalizohet, pas një hetimi 1-vjeçar, faza e dytë e operacionit policor të koduar “Formulari”.
Ekzekutohen 6 masa sigurie “Arrest në burg”, 8 masa sigurie “Arrest në shtëpi”, 8 masa sigurie “Detyrim paraqitjeje” dhe shpallen në kërkim 2 shtetas, për veprimtari kriminale në fushën e falsifikimit të dokumenteve.
Para 1 viti, në kuadër të operacionit “Formulari”, janë vënë në pranga 3 shtetas, 2 prej të cilëve ushtronin funksione publike.
Në vijim të operacionit të koduar “Formulari, specialistët për Hetimin e Krimeve Ekonomiko-Financiare, nën drejtimin e Prokurorisë pranë Gjykatës së Rrethit Gjyqësor Vlorë, kanë vijuar hetimet për identifikimin e personave të tjerë të implikuar në veprimtaritë kriminale në fushën e falsifikimit të dokumenteve dhe finalizuar fazën e dytë të operacionit të koduar “Formulari”.
