Një autobus u kap nga skaneri i Portit të Durrësit me 500 mijë euro të vendosura në qese plastike dhe të fshehura në tavanin e autobusit që vinte nga Bari.
Në pranga ka rënë shoferi i tij, Elidon Çela. Autobusi i përket kompanisë “Buon Aventura” dhe mësohet se bënë transportin nga Padova në Durrës.
Personi që shihni në foto është shoferi që ra në pranga. Në profilin e tij në Facebook ai kishte publikuar disa foto të kompanisë, e cila dhe administrohej nga ai sipas dokumenti të QKB-së.
Dyshohet se ai edhe më herët është kapur duke transportuar para të padeklaruara, por në sasi më të vogla si edhe është kapur disa herë duke sjellë në Shqipëri mallra të vjedhura.
