Tre persona janë arrestuar në Tepelenë. Shoferi dhe dy pasagjerët janë arrestuar me drogë dhe një shumë të madhe eurosh në automjet.
Konkretisht janë sekuestruar 18 520 euro, një sasi me lëndë të dyshuar narkotike kanabis, një thikë, 8 aparate celulare dhe makina.
Të arrestuarit janë Fatjon Dule 30 vjeç, Perikli Naçi 23 vjeç dhe Vaso Mekshi 44 vjeç, të tre banues në Sarandë.
Policia dyshon se kemi të bëjmë me një rast të shpërndarjes së drogës. Hetimet vazhdojnë. Kjo është shuma e tretë e konsiderueshme që bllokohet brenda pak orëve.
Dy të para janë bllokuar në Durrës, rreth 525 mijë euro në një autobus dhe një furgon që vinin nga Italia.
