Kreu i PD-së, Sali Berisha ka zhvilluar një takim ditën e sotme me studentët, për gjendjen aktuale të universiteteve dhe problematikat që po hasin në fillim të këtij viti universitar.
Gjatë fjalës së tij Berisha u shpreh universitet kanë një rëndësi përcaktuese në zhvillimin e një kombi. Ai ka shtuar se kombet si Shqipëria, në të cilën universitet janë hapur vonë kanë pasur një histori shumë të vështirë.
“Kjo është një periudhë e vështirë për universitet. Këto 8 vite në mënyrën më të pamerituar u ndoq një politikë rrënuese. U rikthyen parimet atavike, të tejkaluara që nga vitet 70-80 në vendet e lira. Po ashtu u rikthye parimi i kufizimit në universitet, jo ai i dyerve të hapura. Si dhe parimi i kontrollit qeveritar,” është shprehur Berisha.
