Rishi Sunak. është zgjedhur edhe kryeministri i ri Britanisë së Madhe. Ai ka mbajtur edhe fjalimin e tij të parë si kryeministër, ku deklaroi se ndihet i përulur dhe nderuar që ka mbështetjen e kolegëve të tij.
Ai, po ashtu, e ka cilësuar udhëheqjen e Liz Truss-it “dinjitoze” pasi ishte “në rrethana të vështira jashtë dhe brenda”.
Sunak ka premtuar të shërbejë “me integritet dhe përulësi” ndërsa tha se Mbretëria e Bashkuar përballet me “sfidë të thellë ekonomike”.
“Tani kemi nevojë për stabilitet dhe unitet. Dhe unë do ta bëj prioritetin tim më të madh bashkimin e partisë dhe vendit tonë. Sepse vetëm kështu do t’i kapërcejmë sfidat me të cilat përballemi dhe do të ndërtojmë një të ardhme më të mirë, më të begatë për fëmijët dhe nipërit tanë”.
Sunak do t’i kërkohet të formojë një qeveri nga Mbreti Charles, duke zëvendësuar Liz Truss, udhëheqësen në largim që qëndroi vetëm 44 ditë në detyrë.
Rivali i tij, ish-kryeministri Boris Johnson, u tërhoq nga gara duke thënë se nuk mund ta bashkonte më partinë.
Sunak, ish-ministër i financave, bëhet kryeministri i tretë i Britanisë në më pak se dy muaj, i ngarkuar me rivendosjen e stabilitetit në një vend që po lëkundet nga vitet e trazirave politike dhe ekonomike.
Ish-shefi i fondit mbrojtës, multimilioner, pritet të nisë shkurtime të thella të shpenzimeve në përpjekje për të rindërtuar reputacionin fiskal të Britanisë.
