Izraeli do të jetë partneri strategjik i Shqipërisë për mbrojtjen kibernetike. Lajmin e dha kryeministri Edi Rama i cili po zhvillon një vizitë në Izrael.
Në Tel Aviv Edi Rama ka takuar presidentin, kryeministrin, kryetarin e opozitës dhe zyrtarë të tjerë të lartë. Në fund ai takoi drejtuesin e Agjencisë së Sigurisë Kibernetike që do të jetë krah Shqipërisë.
“Me drejtuesin e Agjencisë së Sigurisë Kibernetike të Izraelit, e cila do të jetë partneri ynë strategjik në fuqizimin e mbrojtjes kibernetike dhe ngritjen e një qendre ekselence për sigurinë kibernetike” shkruan Rama. Në muajt e fundit Shqipëria ra pre e një sulmi kibernetik të sponsorizuar nga Irani.
