Enver Hasani, ish-Kryetar i Gjykatës Kushtetuese në Kosovë, ka folur për shkarkimin e Naser Sahitit nga pozita e rektorit të UP-së dhe emërimin e ushtrueses së detyrës së rektores Luljeta Plakolli.
Hasani e akuzoi për plagjiaturë dekanin e Juridikut, Avni Puka, duke shtuar se mbi 50% e doktoraturës së tij është një plagjiaturë e disa autorëve shqiptarë.
“Pas kërkesës së dekanit, kur është zgjedhë dekani kam besuar që do të bëhet një lloj fryme pak më ndryshe dhe kam qenë instrumental në ardhjen e tij aty, po kjo ndërhyrje ishte shqetësimi im i parë. E dyta para 3-4 muajsh krejt thanë është duke u bërë një reformë. Disa kolegë të ri më thirrin, më thonë po duan me ma hequr lëndën dhe unë i thashë që kjo është logjikë e rrugës… Ajo ishte zhgënjimi im përfundimtar që më çoi mu me këqyrë profilin psikologjik siç e kam pasur bërë me rastin Lumezi…. E këqyra njëherë doktoratën e tij dhe rezulton, pas një analize 2-3 muj, doktoratën e tij për përgjegjësinë penale. Përmbi 50 për qind plagjiat brutal, e disa autorëve shqiptarë, nuk ka rëndësi kush”, tha Hasani në “Pressing” në T7.
