Gjykata ruse ka refuzuar një apel të yllit të basketbollit amerikan, Brittney Griner, kundër dënimit të saj nëntëvjeçar për akuzat për drogë.
Fituesja e dyfishtë olimpike kërkoi falje për “gabimin e saj të sinqertë” në seancën e saj të apelit përmes lidhjes video, duke thënë se kishte qenë “shumë, shumë stresues”.
Griner, 32 vjeç, u dënua në gusht për kontrabandë dhe posedim vaj kanabisi.
Avokati i sportistes, Alexander Boykov, i tha gjykatës: “Asnjë gjyqtar, dorë për zemër, nuk do të thotë sinqerisht se dënimi nëntëvjeçar i Griner është në përputhje me ligjin penal rus”.
Një diplomat i lartë amerikan, i cili mori pjesë në seancë, e quajti dënimin “të tepërt dhe joproporcional”.
E konsideruar si një nga lojtarët më të mirë në botë, ajo u ndalua më 17 shkurt në një aeroport afër Moskës, kur në bagazhin e saj u gjetën fishekë vapa që përmbanin vaj kanabisi.
