Kryeministri Edi Rama tha sot se edhe për nëntorin, por gjasat janë edhe për dhjetorin nuk do të ketë rritje çmimi për fashën që harxhon mbi 800 kilovat.
ERE njoftoi sot se çmimi për një kilovat ka shkuar nga 42 në 44 lekë, por kryeministri tha se, familjet që harxhojnë mbi 800 kilovat nuk do të preken.
Kjo do të thotë që diferencën nga 9.5 lekë që paguajnë deri tani në 44 lekë që ka shkuar çmimi në treg, do të vazhdojë ta mbulojë qeveria.
“Nëse sot një kilovat paguhet 9.5 vetë, imagjinoni 44 lekë! Është e pamundur. Për këtë arsye kemi vendosur një mburojë që gjithë diferencën e paguan shteti.
Pashë që ERE kishte nxjerrë një çmim tjetër, 44 lekë nga 42, i miksuar. Por ne do të vazhdojmë që ta bëjmë këtë gjë për familjarët dhe biznesin e vogël.
Kështu mbajmë inflacionin më ulët se vendet e tjera të rajonit” tha ai.
