Si do të ndikojë pakti me Ilir Metën për negociatat me grupin e Enkelejd Alibeajt? Kësaj pyetje, Sali Berisha iu përgjigj duke thënë se pala tjetër brenda PD-së ka të drejtë të paraqitet si fraksion, por vendimet i merr ai për aleancat.
“Të paraqiten si fraksion në gjirin e partisë së tyre. E gëzojnë të drejtën. Të tjerat janë atribute të udhëheqjes kryesore, të PD-së” tha ai.
Por a do i bashkohen protestës së 12 nëntorit, grupi i Alibeajt? Kjo, për ish-kryeministrin është detyrim moral.
“Çdo deputet, çdo anëtar dhe simpatizant i PD, është i ftuar- dhe në vlerësimin tim- i detyruar të marrë pjesë në protestën antiqeveritare, antiregjim absolutar të datës 12 nëntor. I detyruar moralisht.
Ju e shihni rrokullimën e madhe, ju e patë se Shqipëria ka zbritur poshtë Vietnamit sa i përket shtetit ligjor. Vietnami është një shtet që drejtohet nga një parti komuniste, e megjithatë shteti ligjor është më i respektueshëm se në Shqipëri.
Çka do të thotë se Vietnami ka një drejtësi më funksionale se drejtësia e kapur nga politika dhe korrupsioni në Shqipëri.
Si Vietnami dhe Shqipëria janë vende monopartiake, por i vetmi shkak pse Vietnami është para nesh, se Vietnami nuk pretendon që partia komuniste nuk kontrollon drejtësinë, por Edi Rama ushtron një kontroll të pamëshirshëm mbi drejtësinë.
Ju e patë, Eurobarometri i fundit, qytetarët shqiptarë hidhnin në kosh, reformën sorosiane, e cila shndërroi drejtësinë shqiptare në degë të ekzekutivit” tha ai.
LIVE-Berisha: I nxori Veliaj? Rama 22 mln euro për charter, ik para protestës
