Kryeministri i ri i Mbretërisë së Bashkuar Rishi Sunak telefonoi presidentin francez Emmanuel Macron pas marrjes së detyrës. Temat ishin disa, kryesorja ishte rreth emigrantëve që kalojnë Kanalin e La Manshit.
“Kryeministri theksoi rëndësinë që bart për të dy vendet, kontrolli i La Manshit, për ta bërë plotësisht të pakalueshëm për trafikantët e qenieve njerëzore.
Liderët u zotuan të thellojnë partneritetin e tyre për të dekurajuar kalimet vdekjeprurëse të Kanalit nëpërmjet të cilit përfitojnë grupet kriminale të organizuara,” tha Downing Street në një deklaratë.
Kanali i La Manshit është rruga kryesore të cilën përdorin emigrantët, mes tyre edhe shumë shqiptarë për të shkuar në Britaninë e Madhe.
