Ambasada britanike në Teheran është mbyllur përkohësisht këtë të mërkurë. Një zëdhënës i qeverisë u shpreh se ambasada do të funksionojë nga distanca.
“E kemi mbyllur përkohësisht Ambasadën Britanike në Teheran, e cila tani do të funksionojë nga distanca. Këshillat e udhëtimit të Ministrisë së Jashtme tani janë përditësuar për të reflektuar këtë ndryshim konsullor”, tha zëdhënësi.
Sipas tij, ambasadori i Britanisë dhe i gjithë stafi konsullor u evakuuan bazuar në një vlerësim sigurie dhe një vendimi për t’i dhënë përparësi sigurisë së stafit.
Ky veprim vjen në një kohë kur udhëheqja e Iranit përpiqet të shuajë trazirat më të këqija të brendshme me të cilat është përballur ndonjëherë Republika Islamike, dhe me Presidentin e SHBA-së Donald Trump që kërcënon të ndërhyjë.
Britania dhe Shtetet e Bashkuara sot gjithashtu tërhoqën një pjesë të personelit nga bazat në Lindjen e Mesme pasi një zyrtar i lartë iranian tha se Teherani kishte paralajmëruar fqinjët se do të godiste bazat amerikane nëse Uashingtoni sulmon.
