Sot do të zhvillohet Konventa Kombëtare e Partisë së Lirisë. Ilir Meta pritet që të konfirmohet në krye pa surpriza, pasi përballë nuk ka asnjë rival.
“Është një ditë e rëndësishme, është konventa e parë e Partisë së Lirisë, pasi në 25 korrik ishte konventa e fundit e LSI-së, që i hapi rrugën Partisë së Lirisë.
Në më pak se 100 ditë vijmë në këtë konventë për të prezantuar programin politik dhe statutin e saj dhe angazhimin tonë që Shqipëria t’u përkasë të rinjve.
Prej 100 ditësh është bërë e ditur se do të ketë zgjedhje për kryetarin e PL-së, por edhe për strukturat, unë falënderoj komitetin organizator që përfundoi misionin e tij. Sot do të votohen të gjithë në mënyrë të fshehtë.
Do të kemi komitetin drejtues dhe kryesinë dhe padyshim. Nuk shpikim dot kandidatë dhe nuk bëjmë dot gara fiktive.
Është tregues i besimit në lidershipin tim dhe unë do ta justifikoj” tha Ilir Meta duke e mbyllur me premtimin se “50% e këshillave bashkiakë do të jenë me të rinj“.
