Nënkryetari i PD-së, Luciano Boçi ka reaguar për sigurinë në vend dhe vrasjen e ndodhur mbrëmjen e djeshmen në zonën e Kodrës së Diellit.
Ai është shprehur se përsëri krimi ka treguar fuqinë e tij përballë një pushteti të gjunjëzuar dhe atrofizuar dhe një qeverisje të korruptuar dhe të inkriminuar.
Boçi gjithashtu ka reaguar për krizën në vend dhe fluturimet e kryeministrit me avion privatë.
“Ndërsa shqiptarëve Rama i kërkon të ngrohen në diell për të kursyer energjinë, ju tund atyre në formë kërcënimi tmerret e krizës dhe të luftës. I lë në det të hapur, në fatin e gomoneve dhe vet nuk ndalet në luksin e shfrenuar. Sipas të dhënave të TIMS, Rama ka fluturuar plot 137 herë duke djegur në ajër 22 milion euro të shqiptarëve.
Për këtë arsye, grupi ynë parlamentar do të dorëzojë menjëherë kërkesën për ngritjen e Komisionit Hetimor për këtë çështje për zbardhjen e kësaj afere korruptive,” është shprehur Boçi.
