Anton Gjini dhe Emiljano Deda janë dy personat, të cilët shoqëruan për në spital, Briken Sanaj, i cili u vra mbrëmjen e djeshme në zonën e Kodrës së Diellit.
Të dy këta persona janë shoqëruar në polici ku kanë zbuluar për dinamikën e ngjarjes dhe lidhjen e tyre me viktimën. Zyrtarisht viktima nuk figuron në kartotekën e policisë për precedent.
Por policia po heton për të shkuarën e tij në Itali, pasi Sanaj jetonte atje dhe në vendin tonë kishte ardhur vetëm për dasmën e shokut të ngushtë në Lezhë.
Një nga pista që po heton deri më tani policia është një ngjarje e ndodhur në 2012, ku vëllai i viktimës plagosi një pjesëtar të familjes Kola, po nga Lezha.
