Mjeku i njohur Ilir Alimehmeti është një nga emrat më të përfolur si kandidat në Primaret e PD-së për Bashkinë e Tiranës. Në një kohë ku në PD, kanë nisur ethet e Primareve, Alimehmeti pritet të shpallë kandidaturën ditën e nesërme në orën 11:00.
Deri më tani, kandidaturën për Primaret e Tiranës, e kanë shpallur Belind Këlliçi dhe Gerti Bogdani. Më herët Alimehmeti u shpreh se ishte i gatshëm të shpallte kandidaturën nëse do të kishte indicie nga Partia Demokratike.
Kujtojmë se, pas hapjes së garës së primareve në PD, ka filluar edhe lufta e brendshme mes Belind Këlliçit dhe Ilir Alimehmetit, që kanë deklaruar kandidimin.
Këlliçi ka sulmuar indirekt Ilir Alimehmetin duke deklaruar se për garën përballë Veliajt në Tiranë duhet një kandidaturë politike dhe jo nga shoqëria civile.
Sipas Këlliçit, kushdo që e gjykon se përballja me Erion Veliajn nuk është betejë politike, në rastin më të mirë nuk është i sinqertë.
