Agjencia e Mbikëqyrjes Policore dhe Policia e Shtetit kanë përjashtuar nga radhët ish-shefin e komisariatit nr. 1 në Tiranë dhe dy efektivë që akuzohen se lejuan ndërtimet pa leje.
Bujar Mehmeti, Flamur Sula dhe Alban Rama sipas AMP nuk kanë marrë masa për bllokimin e këtij pallati pa leje, i cili ishte në pronësi të biznesmenit Lulzim Morina në zonën e Farkës.
Bujar Mehmeti ka qenë shef i komisariatit nr. 1, Flamur Sula, shef i postës e policisë së Farkës dhe Alban Rama, inspektor krimesh.
AMP thekson se të tre kanë qenë në dijeni të një pallati në ndërtim pa leje dhe nuk kanë marrë masa për ti vënë shiritin e ta prishur.
