Në një intervistë për “Sky News”, ish-kryeministri britanik, Boris Johnson pyetur lidhur me luftën mes Rusisë dhe Ukrainës, nuk nguroi ta krahasonte atë me Kosovën e dikurshme.
Ai paraqiti gjendjen e Ukrainës njëjte me atë të Kosovës në kohë lufte. Johnson krahasoi Vladimir Putin ,me ish-presidentin e Serbisë Sllobodan Millosheviçin për krimet e lutës që ka kryer.
Duke kritikuar Putin veprime katastrofike dhe aspak strategjike, ish-kryeministri tha se Ukraina ka pavarësinë e saj dhe do të fitojë në fund të kësaj beteje.
“Të gjithë ne në qeverinë britanike kemi lexuar fjalimin e tij për Ukrainën, që e publikoi verën e kaluar. Ai në mënyrë thelbësore e vlerësoi gabimisht Ukrainën. Ishte sikur të lexonit për Sllobodan Millosheviçin që fliste për Kosovën”. Kështu u shpreh Johnson.
“Millosheviçi mendonte që Kosova është pjesë e Serbisë dhe se Kosova i përket Serbisë. Mendoj që Putini mendon njëjtë për Kievin dhe origjinën e besimit ortodoks”.
Johnson shtoi se ky është një moment kritik për botën, dhe të gjithë ndodhemi në rrezik.
Ai tha se Mbretëria e Bashkuar po punon me aleatët për ta çuar çështjen në Gjykatën Ndërkombëtare të Luftës për të gjykuar personat e përfshirë në luftë. Kryeministri kujtoi në përfundim të fjalës së tij, fundin e Sllobodan Millosheviç, i cili vdiq gjatë gjykimit në Hagë.
