Kryeministri Edi Rama do të niset pasditen e sotme drejt Gjermanisë pasi me ftesë të kancelarit Olaf Sholz do të mbahet nesër një takim në kuadër të procesit të Berlinit për Ballkanin Perëndimor.
Liderët e rajonit do të nënshkruajnë 3 marrëveshje që parashikojnë lëvizjen e lirë me karta identiteti, njohjen e diplomave universitare dhe njohjen e kualifikimeve për tre profesione: mjekët, dentistët dhe arkitektët.
Në takim pritet të marrin pjesë 6 krerët e vendeve të të Ballkanit Perëndimor, por edhe Presidentja e Komisionit Europian Ursula Von Der Leyen dhe Presidenti i Këshillit Evropian, Charles Mishel. Në fokus të këtij samiti do të jetë edhe kriza energjetike.
