Pamje të tmerrshme, ku infermierja godiste të moshuarën dhe ajo nuk kishte fuqi të mbrohej tronditën shumë njerëz ditën e kaluar. 2 vajzat e saj shkuan menjëherë në azil për ta nxjerrë nga aty.
Duke e cilësuar si ‘fundin e botës’, e bija luti institucionet të merren seriozisht me këtë çështje.
“Nuk e di a mundem m’u shpreh. Jam e tronditur. Besoj që secili prej qytetarëve më kupton. Situata në të cilën gjendemi unë dhe familja është e paspjegueshme. Unë e vizitoj një herë ose dy herë. Kur ka ardhë xhirimi, kam qenë në orar të punës. Jemi nisë për Pejë. Nënën e kam tërheqë menjëherë prej aty.
Shpresoj që drejtësia ta vendos këtë çështje. I lus institucionet gjegjëse që të merren seriozisht. Të ndodh diçka e tillë, në një vend ku paguajmë 600 euro për një muaj, ky është fundi i botës”, tha ajo
E bija më tej zbuloi se para katër ditësh në vizitën e saj të përhershme te e ëma ka vërjetur shenja dhune në faqen e nënës por nuk e ka besuar se këtë mund ta kishin bërë punonjëset e qendrës.
Dhuna ndaj të moshuarës në Pejë, avokati: Dënimi maksimal sipas ligjit është 3 vite
