Mbrëmjen e djeshme hakerat iranianë publikuan të dhënat e punonjësve të Shërbimit Informativ Shqiptar. Të dhënat për ta, të marra nga sistemet kompjuterike të institucioneve, janë publikuar nga faqja “Homeland Justice”.
Në listë janë rreth 600 emra të zyrtarëve që punojnë në SHISH. Në lista ishte jo vetëm emri, i cili nuk duhet bërë publik, por dhe pozicioni i punës. Informacionet janë siguruar nga e-mail-i zyrtar i punonjësve.
Në listë janë emrat e të paktën 3 njësive speciale që operojnë pranë Shërbimit Informativ Shtetëror duke dekonspiruar gjithçka. Ende nuk ka pasur një reagim zyrtar nga ana e SHISH për të mësuar nëse janë prekur sistemet ku menaxhohet informacioni.
Hakerat nxorën listën e spiunëve të SHISH, PD: Kaluan vijën e kuqe
