Një aksident rrugor është shënuar mëngjesin e kësaj të shtune në Tepelenë. Dy makina, një “Dacia” dhe një “Seat” janë përplasur në vendin e quajtur Luzat.
Policia ka njoftuar se janë plagosur shoferi i që drejtonte “Dacia-n” dhe pasagjeri i mjetit “Seat”.
Njoftimi i Policisë:
Rreth orës 06:10, në aksin rrugor Tepelenë-Gjirokastër, në vendin e quajtur “Luzat”, automjeti tip “Dacia”, që drejtohej nga shtetasi K. Ç., është përplasur me automjetin tip “Seat”, me drejtues shtetasin H. S.
Për pasojë janë dëmtuar drejtuesi i automjetit tip “Dacia”, shtetasi K. Ç. dhe pasagjeri që ndodhej në automjetin tip “Seat”, shtetasi Xh. G. 19 vjeç, banues në Tepelenë, të cilët u transportuan në spitalin Rajonal Gjirokastër, për të marrë ndihmën mjekësore.
Në vendngjarje ndodhet grupi hetimor dhe po punon për zbardhjen e shkaqeve të aksidentit.
