Drejtuesi i Partisë Konservatore, Kujtim Gjuzi pak ditë më parë dorëzoi në Partinë Demokratike kërkesën për të hyrë në garën e primareve.
Ai paraqiti kandidaturën e tij për kreun e Tiranës dhe ishte i gatshëm t’i nënshtrohej rregullave të vendosur nga Berisha, por mesa duket u la jashtë garës.
Këtë të hënë, Albana Vokshi doli me listën e kandidatëve të primareve në Tiranën, ku ishin 7 emra, por jo ai i Gjuzit.
“Në total kandidatët për Primaret në Tiranë deri më tani janë shtatë:
- Belind Këlliçi
- Gert Bogdani
- Ilir Alimehmeti
- Adriana Kalaja
- Enkelejda Fejzo
- Fatmir Merkoçi
- Julian Deda,” sipas Vokshit.
Gjuzi ka treguar për 5pyetjet.al se vendimin e mori pas takimit të pati me Berishën si parti të koalicionit, por që mbetën jashtë parlamentit. Ish-deputeti tha më tej se nëse Jorida Tabaku vendos të kandidojë për Tiranës, ai tërhiqet dhe do ta mbështesë atë. Mesa duket as kjo nuk ka ndodhur.
