Kryeministri Edi Rama ka konfirmuar sot kryetarin e bashkisë Shijak, Enton Arbana kandidat edhe për një mandat në zgjedhjet e 14 Majit.
Pasi e vlerësoi për punën për rindërtimin pas tërmetit tragjik, Edi Rama tha se do i besohet sërish kandidimi.
“Ne e duam prapë kryetar bashkie. Nga të gjithë bashkitë që preku tërmeti është më i dalluari” tha ai.
Ministrja Belinda Balluku tha se procesi i rindërtimit në Shijak është mbyllur dhe të gjitha familjet janë sistemuar.
“Deri tani në këtë bashki janë strehuar në shtëpi të reja 802 familje” tha ajo.
