Andrea Ndoji ka vendosur të përfaqësojë Greqinë dhe jo Shqipërinë, pavarësisht faktit që është aktivizuar rregullisht fillimisht në skuadrën U-17 dhe më pas te U-21.
Vendimin, lojtari ua ka bërë me dije zyrtarëve të FSHF pas ftesës së ka marrë ditët e fundit nga trajneri Edoardo Reja për t’u grumbulluar në miqësoret me Italinë dhe Armeninë.
19-vjeçari i rritur profesionalisht në Greqi po bën shumë mirë me Olympiacos këtë sezon ku ka luajtur edhe dy ndeshje në Europa League ndërsa me refuzimin që i bën Shqipërisë ai mbyll përfundimisht derën për të vijuar karrierën me Kombëtare.
Në Greqi, Ndoji ka tërhequr vëmendjen e mediave sipas të cilave, që tani një numër i madh zbuluesisht të talenteve kane hedhur grepat për të siguruar shërbimet e lojtarit.
