Një aksident me një të plagosur ka ndodhur këtë të mërkurë në aksin rrugor Korçë-Ersekë, pranë fshatit Kamenicë.
Sipas njoftimit të policisë mjeti tip “Ford”, me drejtues shtetasin M. Q është përplasur me një motomjet me drejtues shtetasin P. S rreth 58 vjeç, nga fshati Dvoran, Korçë.
Si pasojë është lënduar P.S 58 vjeç i cili u dërgua në spitalin e Korçës, ku ndodhet nën kujdesin e mjekëve.
Drejtuesi i automjetit M.Q është shoqëruar për veprime të mëtejshme procedurale.
Grupi hetimor po punon për përcaktimin e shkaqeve të aksidentit.