Presidentja e Kosovës, Vjosa Osmani, do të marrë pjesë në Samitin e Paqes që do të mbahet në Paris.
Lajmi për udhëtimin e Osmanit është bërë i ditur nga zyra e shtypit e Presidencës, ku dhe ka treguar se ajo do të jetë dhe një nga folëset në samit.
Për në Paris do të udhëtojë edhe presidenti i Serbisë, Aleksandar Vuçiç. Ai në një konferencë për media ka bërë të ditur se në atje do të takohet me shefin e diplomacisë së BE-së, Josep Borrell dhe të deleguarin special të Bashkimit Evropian për dialogun Kosovë-Serbi, Miroslav Lajçak.
Forumi i Paqes i Parisit është iniciativë e presidentit të Francës, Emmanuel Macron, për të bërë bashkë protagonistë të qeverive e të qeverisjes nga e tërë bota dhe për të diskutuar për ruajtjen dhe forcimin e paqes në botë.
