Ish-kryetarja e LSI-së, Monika Kryemadhi i është rikthyer denoncimit për inceneratorët. Sot në një konferencë për mediat, deputetja foli me shifra konkrete që sipas saj kanë përfunduar në xhepat e zyrtarëve dhe pronarëve në arrati.
“Klodian Zoto ka paguar rreth 2 mld lekë për 19 kompani. Ajo që të bën përshtypje janë Lumi-06 Elvis 03 Group dhe Elvis Co. Vlera e grabitur shkon rreth 19 milionë dollarë” tha ajo.
Kryeministri Edi Rama ka akuzuar se dosjen e ka çuar në derën e Partisë së Lirisë një prokuror, por Kryemadhi tha se çështja është hetuar nga burri i deputetes socialiste.
“Prokurori që ka hetuar këto dosje që përmend zoti Rama është burri i një prej deputeteve të PS-së dhe nuk mendoj se i ka dhënë Monikës dosjen e evazionit fiskal” tha ajo.