Kryetari i PD-së, Sali Berisha u shpreh sonte në protestë se beteja sapo ka filluar. Ai paralajmëroi Edi Ramën se shumë shpejt qytetarët do i ketë në parlament.
“Ne jemi në fillim të betejës sonë të madhe. Edi Rama është kthyer në ordiner. Ju keni konstatuar dhe keni parë si flet në parlament dhe bën të skuqen me fjalorin e tij cdo fëmijë, nënë, grua, prind.
Tani unë do i them përpara jush, që për atë gjuhë mund të përgjigjemi në të gjitha mënyrat që t’i e meriton, por po të komunikoj sonte këtu, vendimi është marrë, atje, për shpejti do të vijë gjykatësi sovran, këta burra dhe gra, priti aty se i kanë dy fjalë aty.
Më mirë priti këta, se ne mund të përgjigjemi si të duash ti. Por edhe populli i ka dy tre fjalë me ty” tha Berisha.
