Ish-presidenti Ilir Meta shprehet se protesta e sotme riktheu shpresën e qytetarëve për shpëtimin e Shqipërisë. Kryetari i partisë së Lirisë thotë se në shesh ishin qindra mijëra qytetarë.
“Falenderim shumë të përzemërt për qindra mijëra qytetarë të lirë dhe plot dinjitet, që sot morën pjesë në protestën, që riktheu shpresën për shpëtimin e Shqipërisë tonë të bekuar” shkruan ai.
Tubimi sonte zgjati tre orë dhe u mbyll me një incident në fund, ku disa qytetarë çanë kordonin e policisë dhe sulmuan Kryeministrinë me bojë.
