Gazetari Adriatik Doçi ra mesditën e sotme pre e një sulmi fizik shumë pranë banesë së tij në Tiranë. Vetë Gazetari Doçi tha se dyshon se goditja është krye për shkak të detyrës, ndërsa është i sigurt se personi që e ka sulmuar është nga segmentet të korrupsionit dhe krimit të organizuar.
E rëndë në Tiranë/ Dhunohet me sende të forta pranë banesës së tij gazetari! (DETAJET)
Doçi tha se ky sulm i shton edhe më shumë kurajën për të raportuar dhe askush nuk e ndal në punën e tij dhe në misionin e gazetarit.
Ndërkohë, në lidhje me ngjarjen ka reaguar edhe Policisë e Tiranës, sipas të cilës, njofton se ngjarja ka ndodhur rreth orës 12:00, në rrugën ‘Bavaria’ në Kamzë, ndërsa deklaron se autori është ende i paidentifikuar dhe se po punohet për identifikimin dhe kapjen e tij.
‘Kamzë/Informacion paraprak. Më datë 13.11.2022, rreth orës 12:00, në Kamzë, në rrugën “Bavaria”, një shtetas ende i paidentifikuar ka goditur me grusht shtetasin A. D., 38 vjeç, me profesion gazetar, dhe më pas është larguar. Specialistët për Hetimin e Krimit në Komisariatin e Policisë Nr. 5., në Kamzë, kanë administruar kallëzimin e bërë nga gazetari A. D., dhe shërbimet e Policisë janë vënë menjëherë në lëvizje për kontrollin e zonës me qëllim kapjen e autorit. Grupi hetimor po punon për sqarimin e rrethanave të ngjarjes, identifikimin dhe kapjen e autorit.’, njofton Policia e Tiranës.
Dhunimi i Doçit, Unioni i Gazetarëve: Akt burracak, kërkojmë drejtësi
