Kryetari i grupit të PD, Enkelejd Alibeaj dhe deputetja e PD-së, Albana Vokshi kërkuan sot në Kuvend përjashtimin e Edi Ramës me argumentin e gjuhës fyese që përdori në seancën e kaluar në drejtim të deputetëve të opozitës, që i quajti, dele, bedelë, gjela deti, etj.
“Të merret masë për Edi Ramën, vajzat e mia në shtëpi janë tmerruar nga gjuha e kryeministrit. Ky është shembulli? Është një gjuhë e papranueshme. Kërkoj që të përjashtohet Edi Rama, sikur u mor masa, krejt e padrejtë për dy kolegët e PD-së. Të merret masë për gjuhën banale të Edi Ramës, që përdori” tha Vokshi.
Në seancën e kaluar në fund pati një incident mes Edi Ramës dhe dy deputetëve, Edi Paloka dhe Bujar Leskaj, që u përjashtuan nga Kuvendi për 10 ditë me argumentin se ishin të dehur dhe përdorën gjuhë banale.
Rama sherr me PD-në: Ju keni mbaruar, të pafytyrë! Pushto ti gjel deti, dele!
