Kreu i Partisë së Lirës, Ilir Meta ka reaguar ndaj raportit të partnerëve të Platformës së Këshillit të Evropës për Siguri të Gazetarëve.
Në këtë raport cilësohet se nuk ka progres të lirisë së mediave. Meta është shprehur se ky rezultat vjen si pasojë e korrupsionit dhe kapjes së shtetit.
“Përkeqësimi i lirisë të medias është rezultat i kapjes të shtetit dhe korrupsionit skizofrenik që po ndodh. Vetëm largimi i “Rilindjes” dhe këtij Kryeministri përmirëson lirinë e medias dhe garanton të drejtat e gazetarëve,” ka shkruar Meta.
