Pasditen e sotme kryeministri Edi Rama zhvilloi në Vlorë një takim me tur-operatorët vlonjatë që sipas tij janë motori kryesor i zhvillimit turistik dhe ekonomisë rajonale.
Bashkëbisedimi u fokusua te porositë e sezonit tjetër, puna për të cilin ka nisur që tani. Edi Rama duke folur për investimet tha se në fund të vitit 2024 nga Vlora do të nisin fluturimet duke justifikuar vonesën.
“Në fund të vitit 2024 do të kemi fluturimin e parë. Aeroporti pati shtyrjet e veta që ishin jashtë vullnetit tonë, por tani është tërësisht në vijë dhe nëse nuk ndodh ndonjë gjë e paparashikuar në fund të 2024 do të kemi aty fluturimin e parë” tha ai.
