Një ngjarje e dyshimtë është regjistruar rreth orës 4:00 të mëngjesit të kësaj të shtune në Lezhë, ku makina e biznesmenit Ndue Pjetrushi është djegur.
Policia po punon për zbardhjen e ngjarjes, por ende nuk dihet nëse djegia ka ardhur si pasojë e defektit teknik të automjeti, apo ka qenë zjarrvënie e qëllimshme. Pasi biznesmeni e kishte parkuar makinën në oborrin e vilës së tij 3-katshe.
‘Rreth orës 04:00, në Ishull Shëngjin, është konstatuar duke u djegur mjeti tip “Benz”, në pronësi të shtetasit N. P. 66 vjeç, banues në Lezhë. Mjeti ka qenë i parkuar në anë rruge dhe për pasojë është djegur plotësisht. Grupi hetimor vazhdon veprimet hetimore për zbardhjen e plotë të rrethanave të ngjarjes si dhe përcaktimin e shkakut te djegies.’- njofton policia.
