Malësia e Madhe është në zi. Ditën e sotme në orën 14:00 u përcollën për në banesën e fundit babë e bir, Pjetër dhe Jason Rushaj, të cilët u mbytën dje. Ish-kryeministri Sali Berisha ka vizituar familjen duke i ngushëlluar.
“Nuk përshkruhet me fjalë. Kujtimin e ka lënë prapa. Njeriu jeton në to. Fizikisht vdes, por lë prapa edhe kujtohet vazhdimisht nga ata që e kanë njohur, e kanë dashur dhe kanë punuar me të.
I lutem Zotit që shpirti i tij dhe i djalit të gjejnë paqen, dhe ju forcën për të përballuar këtë dhimbje shumë të madhe” tha ai.
E ndërsa fliste dhe pamjet i publikoi në Facebook, pas krahëve të ish-kryeministrit ndodheshin dy arkivolet e trupat e pajetë të babë e bir që tragjikisht humbën jetën nga përmbytjet.
