Ambasadorja e SHBA-së, në Shqipëri, Yuri Kim ka shprehur ngushëllimet e saj për humbjet e jetës së shkaktuar nga përmbytjet në vend.
Ajo është shprehur se është e gatshme të ofrojë mbështetjen sipas nevojës.
“Jemi të pikëlluar për vdekjen dhe dëmet që rezultuan nga përmbytjet shkatërruese në veriun e Shqipërisë. Shprehim ngushëllime për familjet e atyre që humbën njerëzit e tyre të dashur dhe respekt për guximtarët shqiptarë që ndihmojnë bashkëqytetarët e tyre. Ne jemi të gatshëm të ofrojmë mbështetje sipas nevojës,” ka njoftuar Yuri Kim.
Babë e bir në Malësinë e Madhe humbën jetën ditën e djeshme pasi i mori rrjedha e përroit.
