Eksperti i kriminalistikës, Artan Rexhepi është kundër dhënies pa limit të statusit të të penduarit të drejtësisë.
Referuar rastit të Nuredin Dumanit, eksperti tha se mendon se vendimi duhet ë jetë i kufizuar, pasi një kriminel pasi ka bërë disa vrasje nuk mund të përfundojë me një dënim minimal.
Ai solli edhe një rast konkret pa treguar emrin e të penduarit.
“Nuredin Dumani e hapi “thesin” por ngjarja lë për të dëshiruar përsa i përket arrestimeve. E para për mendimin tim statusi duhet të jetë i kufizuar, ky problemi i pendimit.
Nuk mund të bësh një “mal me mish” me njerëz he në fund pendohesh dhe merr një dënim minimal. Kam pasur rastin nga burgjet, ishte bërë edhe poet një vrasës shumë i njohur dhe na recitonte poezi.
Duhet kufizuar ky statusi i të penduarit. Vret tjetri 20 veta dhe merr një dënim 7 vite. I bie që të gjithë të bëjnë çfarë të duan dhe marrin një dënim minimal” tha Rexhepi.
