Një letër tronditëse nga burgu i Fierit. Një i dënuar, Skënder Krasniqi, që akuzohet për vrasjen e 82-vjeçari Novruz Likometaj apelon për drejtësi. Përmes një letre drejtuar institucioneve të drejtësisë, dhe shoqërive civile apo dhe mediave, Krasniqi, i dënuari nga gjykata e rrethit gjyqësor Fier me 20 vite burg thotë se është i pafajshëm.
Ai pohon se prej 22 muajsh qëndron në qeli padrejtësisht për vrasjen në 2015 të të moshuarit me sende të forta. Sipas tij, autori i krimit është i lirë, ndërsa ai akuzohet padrejtësisht. Mes të tjerash i akuzuari për vrasjen e Likometajt, paralajmëron se do të vrasë veten nëse nuk merret parasysh dëshmia e tij dhe që sipas tij të hetohet e vërteta.
