Emigrimi i të rinjve shqiptar drejt Britanisë së Madhe është një nga temat më të diktuara së fundmi, në rrafshin politik dhe në mediat e huaja.
I tillë është dhe rasti i i një të riu shqiptar që është arrestuar në Madrit, Spanjë pa vulë Shengen dhe pritet të deportohet drejt Shqipërisë.
Me pranga në duar dhe me lot në sy ai lutet që mos ta kthejnë në vendin që ai e quan vendi ku vdesin çdo ditë të rinjtë.
Historia e tij u shfaq në ciklin e dokumentareve “To catch a smuggler” të National Geographic.
Një pjesë nga dokumentari është shpërndarë në Facebook nga gazetarja Erjona Rusi.
Biseda:
Agjentja e emigracionit: Do të deportohesh në Shqipëri
Djali: Po nëse nuk dua të kthehem
Agjentja e emigracionit: Deportimi në Shqipëri duhet të bëhet.
Djali: Nuk dua të kthehem, atje vriten njerëz çdo ditë. Nuk dua të vdes në Shqipëri. Nuk është vend i sigurt. Është e vërtetë, shiko në TV aty vriten njerëz çdo ditë. Çdo ditë vriten njerëz, çdo ditë. Jam i gatshëm të bëj gjithçka që të mos kthehem në Shqipëri.
