Çmimi i naftës ka pësuar sërish një rënie prej 5 lekësh ditën e sotme. Bordi i transparencës ka njoftuar se nga kjo e premte, benzina do të shitet me 194 lekë lirtri dhe gazi me 71 lekë litri.
“Çmimi i shitjes me pakicë i nënproduktit gasoil i standardit SSH EN 590 të jetë jo më shumë se 211 lekë/litri, ndërsa i shitjes me shumicë jo më shumë se 199 lekë/litër.
Çmimi i shitjes me pakicë i nënproduktit benzinë e standardit SSH EN të jetë jo më shumë se 194 lekë/litri, ndërsa i shitjes me shumicë jo më shumë se 182 lekë/litër.
Çmimi i shitjes me pakicë i nënproduktit gaz, të jetë 71 lekë/litri me pakicë dhe i shitjes me shumicë 59 lekë/litër për automjetet.
Çmimi i gazoilit për peshkim është vendosur 118 lekë/litër,” ka njoftuar Bordi.
