“For you page” i të gjithëve në TikTok këto ditë biem dakord që ka qenë i mbushur me video të futbollistit brazilian Neymar.
Të shumta kanë qenë vajzat që i janë bashkuar trendit të tij. Përjashtim nuk ka bërë edhe Arbenita Ismajli.
Mirëpo modelja është më e privilegjuar, pasi krahas videos ku bën lëvizjen e Neymar me duar ka shfaqur edhe një mesazh që futbollisti i njohur i ka dërguar në Instagramin e saj.
Neymar i ka dërguar Arbenitës një fytyrë me zemra (emoji), më datë 16 nëntor në orën 22:44 të mbrëmjes. Në foton e publikuar duket se modelja nuk i ka kthyer mesazhin futbollistit.
Videoja është fshirë nga profili i Arbenitës në TikTok.
Por, nuk mbaron me kaq! Ajo që ka më shumë rëndësi në këtë histori është fakti që Fero bashkëshorti i Arbenitës nuk e ndjek këtë të fundit në Instagram. As modelja nuk e ndjek babain e vajzës së saj.
Të jetë kjo një krizë në çift, “për shkak” të Neymar-it? Këtë akoma nuk dimë ta themi, por është e dyshimtë që dyshja nuk e ndjekin njëri-tjetrin në profilet e tyre sociale.
Vetëm disa javë më parë i ftuar në “Më Lër të Flas” Fero foli mbi marrëdhënien e tij me Arbenitën, duke u shprehur se gjithçka shkon shumë mirë.
